Müsavat dövründən “podpolye”də yazırdım || Əli Növruzov Twitter-də cavab verdi!

Əli Novruzov

"Düşünmək istəməyən əhali hökumətin oyuncağı olub"

Oktyabrın 3-də “Twitter-də cavab verəcəm”in qonağı bloqqer, yeni media mütəxəssisi Əli Novruzov olub. Əli  TWITTER sosial şəbəkəsində gənclərin suallarını cavablandırıb. Müsahibənin redaktə olunmuş variantını sizə təqdim edirik.

FaridHajiyev: Siz twittere necə baxırsız? :)

Alinovruzov: Mən ümumiyyətlə Twitter'ə “Seesmic Desktop”un “interface”indən baxıram :)

EtibarSalmanli: Hörmətli bloggerimizə sual vermək istəyirəm ki, facebookda təkər qaldıran uşaqlara necə baxır?

Alinovruzov:  Facebook'da təkər qaldıran? Təzə jarqondu bu? Deyəsən zəmanədən çox geri qalmışam :(. Sonra mənə private'da Facebook'da təkər qaldırmaq sözünün mənasını izah edərsən :)

FaridHajiyev: Masonlara münasibətin necədir? :)

Alinovruzov:  Çox yaxşı. Tolerant yanaşıram. "Hesablaşıram, amma razılaşmıram" (c)

“Əsas odur ki, müxalifət səmimi olaraq əlindən gələni işləri görür”

EtibarSalmanli: Mənə elə gəlir ki, Azərbaycanda ən tanınmış 3 bloqqerdən birisiz. Sizə görə kimdir bes? :D

Alinovruzov: Azərbaycanda tanınmış bloqqerlər? Arzu, Turkhan, Araz ümumiyyətlə klassikadı. Yenilərdən məsələn, sən, Zaur.

Mejidli: Yoldaş Novruzov, sizcə Azərbaycan müxalifətinin edə bilib də etmədiyi nə var? Tam olaraq nə çatışmır? Kinli adamsız? :)

Alinovruzov: Kinli deyiləm, amma tam kinsiz də deyiləm. Yarı-kinli demək olar. Mənə pislik eləyəni bağışlayaram, amma heç vaxt yadımdan çıxmaz

Alinovruzov: Müxalifət barədə diskussiya açsaq 140 işarəyə sığmaz. Əsas odur ki, əllərindən gələn işləri görürlər, səmimi olaraq.

Sahiloglu: Paramilli ilə hipermilli arasindakı nə fərq var?

Alinovruzov: Yəqin eyni adamın Facebook və Twitter'dəki fərqli reinkarnasiyalarıdı #paramilli #hipermilli

Sergey Dovlatov "Zona" və İsmayıl Şıxlı "Ölən Dünyam"

Mejidli: azqoskomediya.wordpress.com un aqibəti necə oldu?

Alinovruzov: Wordpress platforması ilə bağlı Azərbaycanda nəsə problem var. Ona görə də hələlik qalıb. Amma mütləq davam edəcək. Materialdan boluq :)

GultekinV: Sizcə Gəncə əvvəlki Gəncədirmi? Haqsızlıqlara dözməyən, həmişə ədalət axtaran gəncəlilərin indi belə susmasının səbəbi nədir?

Alinovruzov: Gəncədə iki qrup gördüm - birincilər nəyin bahasına olursa, modernləşmək istəyir, razıdır. 2-ci qrup etiraz edir. Bu haqda yazacam. Gəncə hələ gözləyir. Çünki modernləşmə istəyir. Amma sonda istədiyi nəticəni görməsə pis partlaya bilər.

ArazOner: Sənə həyatda yaradıcılıq uğurları arzulayıram. Dağıdıcı yaradıcılığa necə baxırsan?

Alinovruzov: Dağıtmağa olan həvəs özü də yaradıcı həvəsdir - Passion for destruction is also a creative passion - Bakunin

Paramilli: 5-6 bloqun var, onların hamısını necə idarə edirsən? Ümumiyyətlə niyə belə çox bloq?

Alinovruzov: Hərdən mənə də elə gəlir çoxdur. Amma o bloqlar tematik/dil/auditoriya üzrə bölünüb, idarə etmək asandı.

Sahiloglu: Bloqqerlərimizin çoxu hisləriylə yazırlar, bu da hərdən bezdirici və iyrənc olur. Ağıl yoxsa hiss? Və nə üçün?

Alinovruzov: Məncə hər bloqqer ilk növbədə klaviaturası ilə yazmalıdır - ağıl da, hiss də ikincidir.

FaridHajiyev: Qəzet, TV, bloq, video, podkast,.... Bəs sonrakı mərhələ nə olacaq səncə?

Alinovruzov: İnternet və TV birləşəcək. Video məzmun dominant olacaq. Type yox, diktə edəcəyik, soft özü yazacaq. Biz yox, soft oxuyacaq.

Qedesbala: AFUda yaxınlarda nə vaxt mühazirən olacaq?

Alinovruzov: Mənim mühazirəm olmayacaq, mən təşkilati işlərə kömək edirəm. Həm də mühazirə üçün hazır deyiləm. Nədən danışacam ki orada?

“Getsin o günlər, bir də gəlməsin”

MajidHasanli: Siz Sovet vaxtından bloq yazırsız?

Alinovruzov: Sovet vaxtından yox, ondan da əvvəl. Hələ Müsavatın dövründə “podpolye”dən yazırdım :)

NarminNoqte: Ad günümdə mənə nə arzulayarsan? :)

Alinovruzov: Paho, ad günündü?! Təbriklər, can sağlığı, uzun ömür, ailə səadəti, var-dövlət, bol-bol like'lar, saysız-hesabsız follower'lər.

Paramilli: Bildiyimə görə mütaliən kifayət qədər yaxşıdı. Hazırda hansı kitabı oxuyursan? Yaxud da sonuncu hansı olub?

Alinovruzov: Hal-hazırda paralel iki kitab oxuyuram - Sergey Dovlatov "Zona" və İsmayıl Şıxlı "Ölən Dünyam". Hər ikisini yarılamışam.

Paramilli: 92-93-cü illər hakimiyyətinə necə baxırsan? =)) Niyə həmin vaxtlar bayıra çıxmaq olmurdu?

Alinovruzov: Hamısı AXC-Müsavat tandeminin səriştəsizliyindən. Elçibəy böyük adam idi, amma prezidentlik deyildi. Asıb-kəsməyi bacarmırdı. Getsin o günlər, bir də gəlməsin. Heyif deyil sabitlik. 24 saat evdən bayıra çıx, haçan istəsən.

Paramilli: 92-93 demişkən, Aydin Mirzəzadə yadıma düşdü. 92-93-də anadan olanlara münasibətin necədi? AXC-Müsavatın işləridi? =)

Alinovruzov: Əlbəttə. Onları dövləti düz idarə etsəydilər, camaat qorxmazdı, nəticəsi də bu olmazdı. Anlayanlara burada çox böyük hikmət var.

“Azərbaycanda oxuma problemi var”

AngryBabayev: смысл в АДА (Дипломатический Академии) есть? Т.е. нужен ли он нам сейчас? и есть ли от него толк? если есть - то какой :) Спс.

Alinovruzov: ADA Azərbaycanda deyil, ayrıca bir ADAdadı. Bir uzaq yaşıl ada söhbəti :)

Sahiloglu: Gənc biraz düşünə bilirsə və özündə etiraz etməyə güc tapırsa, siyasiləşir və siyasetçilərin oyuncağı olur. Bunun səbəbi nədir?

Alinovruzov: Düşünə bilən insan heç kəsin oyuncağı olmur, əksinə, indi düşünməyən, düşünmək istəməyən əhali hökumətin əlində oyuncaq olub.

Paramilli: Azərbaycan bloqosferində nə problemlər var? Bloqqerlərin yazıları, ümumi səviyyələri, sayı səni qane edir? Proses varmı?

Alinovruzov: Azərbaycanda ümumiyyətlə oxuma problemi var. Heç kim oxumur, nə kitab, nə qəzet, nə bloq. Amma hamı yazmaq istəyir. Yazanlar da oxumur!!

Təşəkkür edirik sualları cavablandırdığınız üçün!