Turxan Qarışqa Twitter-də cavab verdi

Turxan Qarışqa

 Mənim canım kitabdadır

Sentyabrın 18-də “Twitter-də cavab verəcəm”in qonağı fotoreportyor, bloqqer Turxan Qarışqa olub. Müsahibimiz TWITTER sosial şəbəkəsində gənclərin suallarını cavablandırıb. Müsahibənin redaktə olunmuş variantını sizə təqdim edirik.

- Paramilli: Axşamın xeyir. Xalqın balalarının suallarına cavab verirsən? 

- turkhankarim: Sorry, yeməkdə idim... Hə.

- Turan_50: Doğum günü bayram günlərinə düşənlər sənə heç acıq veriblər?






- turkhankarim: Ad günüm 20 Yanvardadır. Yasa düşüb hər dəfə...

Özüm burdururam saçımı  
- nemnum (Nərmin Həsənli): Saçlarına sataşanda əsəbləşirsən? Bir də kəsdirmək fikrin yoxdur?
- turkhankarim: Dostlar sataşanda hirslənmirəm... Hələ ki, kəsdirmək fikirim yoxdur. Özüm burdururam saçımı :)))
- nemnum: Vika burdurdu, mən də sabah edirəm. Yeni qarışqalar gəlir!
- turkhankarim: Burdura, burdura gəzirəm... Hallana- hallana gəzirəm…

- SamirAsadli (Samir Əsədli): Sən ərəb inqlablarının başlamasının səbəbkarlarındansan, bəs Azərbaycanda səbəbkar nə zaman olacaqsan 
- Turkhankarim: Axşam vaxtı çox ağır sualdır... Amma cəmiyyət dəyişiklik istəyir.

- cafevi_ (Lamiya Mardan): Oğurluğa getmək üçün məsləhətli şaftalı bağı var? :)
- turkhankarim: Şaftalını it kimi sevirəm... Bağ tanımıram, olsa amma oğurlayardım! Şaftalı üçün ölürəm! J

- Paramilli: 2005-ci ildəki gənclərlə indiki gənclər arasındakı hansısa fərq görürsənmi?
- turkhankarim: İndiki gənclər əjdahadır və mən indiki uşaqlarla fəxr edirəm! Ciddi deyirəm! Əjdaha gənclik var!

- AyselSaday (Saday Aysel): Balkonsuz polislərə necə baxırsan?
- turkhankarim: Kişi balkonlu olmalıdır, illah da polis! Balkonsuz polis tualetsiz ev kimi bir şeydir. 
 
Qlamur çox olarsa, basılmaz vətən!
- Turan_50 (Turan Yusifzadə): Hansı kitabın tərcüməsi üzərində işləyirsiz indi?
- turkhankarim: Dostlarla birgə edirik tərcümələri. Bir kitab yaxınlarda çıxır. Əlavə də 3 kitab olacaq.

- EtibarSalmanli: heç nə vaxtsa kimin üçünsə qorxmusan? 

- turkhankarim: Başqalarının "Çujoy paxmel" söhbətindən hər zaman qorxmuşam...

- Paramilli: Əlinə fotoaparat alıb, ancaq qlamur şəkillər çəkən gənclərə nə sözün var? 
- turkhankarim: Əvvəl hirslənirdim... İndi normaldı artıq. Qlamur çox olarsa, basılmaz vətən!

- MajidHasanli: İkinci dəfə dünyaya gələrdin? Əgər gəlseydin kim olmaq istəyərdin? :) 
- turkhankarim: Yox! Nə edirəm ikinci dəfə dünyaya gəlib? Mənasız şeydi.  

- Paramilli: Mehmana da verilmişdi bu sual: Elə olub mitinqdə kameranı kənara qoyub qışqırmaq istəmisən? =)) 
- turkhankarim: Hə... Çingiz Mustafayev kimi. 

- MajidHasanli: Turxan, mənim blogumun səhifəsini FB profilində niyə reklam eləmirsən? 
- turkhankarim: Mənim FB profilim çox baxılır. Vaxt gələcək səni də reklam edəcəyik! 

Müharibə reportyoru olmaq istəyirəm və olacam!
- Paramilli: Özünü daha çox hansı peşənin sahibi hesab edirsən? 
- turkhankarim: Müharibə reportyoru olmaq istiyirəm və olacam!

- NarminNoqte: Divin canı şüşədədir, bəs Turxanın? 
- turkhankarim: Mənim canım kitabdadır!

- Turan_50: musiqi duyumun ela, söz yox. Bəs hansısa alətdə ifa edə bilirsən? 
- turkhankarim: Mən “drummer”əm! Gitara və skripkanı isə indi öyrənməyə başlamışam... Pis getmir hele ki :)

- Paramilli: Bəzən xalqların azadlıq inqilablarını Amerika imprialimzinin oyunu adlandırırlar. Niyə? 
- turkhankarim: ABŞ-da hamısı kimi bir bezin qırağıdır... Sadəcə pislərin içində ən yaxşı ABŞ-dır. 

-  NarminNoqte (Nərmin Nəbiyeva): Yazılarından ibarət fotoalbomu sənə mütləq göstərəcəm. sənin və samışın yazısıyla "böyümüşəm". Təşəkkür.
- turkhankarim: Büyük adamsın! Öpür qaqası!
 
- Paramilli: Ölkənin gələcəyi üçün gəncliyinin hazırda ən vacib etməli olduğu nədir? 
- turkhankarim: Qoca Buddayam bu suala cavab verim? Lazım olan bütün işlər bir- bir görüləcək! 

- EtibarSalmanli (Etibar Salmanlı): Arada niyə gəlmirsən “zalatoy” oğlanların məkanına? 
- turkhankarim: Gələcəm... Çoxdandı gəlmirəm

Mehman Hüseynov, Turxan Qarışqa, Hacı Hacıyev

 

Nə quş buraxdı, nə Rauf! Təkər buraxdı
- Mehman_Huseynov (Mehman Hüseynov): Sualım belədir, səncə Rauf Mərdiyev bloqosferdə quş buraxdı, yoxsa özünü buraxdı? 
- turkhankarim: Nə quş buraxdı, nə Rauf! Təkər buraxdı.

- EzizKA (Əziz Elxanoğlu): saçını nə vaxt kəsdirəcəksən? 
- turkhankarim: Yaxın aylarda

- Paramilli (Ülvi Həsənli): Sualları cavablandırdığına görə təşəkkür Turxan! 
- turkhankarim (Turxan Kərimov): Getdim yatmağa... Öpeyrem hammını!