"Senzura əxlaqsızlıqdır" || Əli Əkbər Twitter-də cavab verdi!

"Rejim dəyişən kimi ədəbiyyat qəbristanlığı olan AYB dərhal ləğv olunmalıdır"

Noyabrın 27-də “Twitterdə cavab verəcəm”in qonağı yazıçı, publisist Əli Əkbər olub. Yazıçı TWITTER sosial şəbəkəsində istifadəçilərin suallarını cavablandırıb. Sual-cavabın redaktə olunmuş formasını sizə təqdim edirik.

Beyimhesenli (Bəyim Həsənli): Gənclərdən kiminsə blogunu oxuyursunuz, ya da ümumiyyətlə blog oxuyursunuzmu?

AlekperAliyev (Əli Əkbər): Hamısını oxuyuram. Ən azından çalışıram. Gözümdən qaçanlar da olur.

IlqarAbbas (İlqar Abbas): Amneziyanı necə  qiymətləndirərdiz? Sizcə Amneziyanı güclü əsər hesab etmək olarmı?

AlekperAliyev: Öz kitabım haqqında xoş sözlər deyə bilmərəm. Kafi hesab edirəm.

KananAlizadeh(Kənan Əlizadə): Kitab haqqında ilk fikirlər necə oldu?

AlekperAliyev: Müxtəlif fikirlər var. Azərbaycanlılar dahidir!!! Kitabin üz qabığına görə kitabı söyürlər:-). Roman bir gündür çıxıb.

Azadgenclik(Azad Gənclik Təşkilatı): Təşkilatların fəaliyyətindən nə qədər razısız? nə məsləhət verərdiz?

AlekperAliyev: Müsbətdir. Gənclər arasında bizi söyən dahilər var:-). Axı hələ tezdir. Özlərini təsdiqin orijinal formalarını tapmalıdırlar:-). Ümumiyyətlə isə raziyam. Bir az daha çox oxumaq lazımdır. Oxumaqdan başqa şeylərə vaxt qalmamalıdır. Sizə qalan kitab olacaq.

Abayramov (Anar Bayramov): Sizcə saray yazıçısı dəyərli əsər qoya bilərmi ortaya?

AlekperAliyev: Yox

"Mental dəyərlərdən danışanlara heç bir kitab kömək etməz"

Pontipilat (Üzeyir Məmmədli): "Sarı Gəlin"də həm rejimin, həm də düşərgənin bu cür təsvirinə görə bir əks təpki gətiricəyini düşünmürsən ki, bəy? 

AlekperAliyev: Uzaqbaşı,  Rafiq kimi öldürəcəklər. Nəyim Rafiqdən artıqdır? Olsun.

IlqarAbbas: Sevdiyiniz bloqçu və yazıçı kimdir?

AlekperAliyev: Yerli yazarlardan Seymur Baycan, bloqçu isə Behram. Amma o hərbi xidmətdədir. 

KananAlizadeh: Kitab mental dəyərlərə sadiq insanlara təsir edə bilərmi, sizcə?

AlekperAliyev: Mental dəyərlərdən danışanlar danabaşlardır. Onlara heç bir kitab kömək etməz.

Abayramov: Siyasətlə məşğul olmaq (məsələn, müxalif partiya üzvü olmaq) yaradıcılığa mane ola bilər sizcə? 

AlekperAliyev: Partiya üzvlüyü siyasətlə məşğul olmağı şərtləndirmir.

"Rejim dəyişən kimi ədəbiyyat qəbristanlığı olan AYB dərhal ləğv olunmalıdır"

NarminNoqte (Nərmin Nöqtə): Nələrdən yazmaq olar və nələrdən yazmaq olmaz? Ümumiyyətlə, yazıçı özünə senzura qoymalıdırmı?

AlekperAliyev: Senzura exlaqsızlıqdır.

SamirAsadli (Samir Əsədli): Avroritar rejim getdi və demokratik düşərgə hakimiyyətə gəldi. Sizə AYB sədrliyi təklif olunsa, razılaşarsınızmı?

AlekperAliyev: Rejim dəyişən kimi ədəbiyyat qəbristanlığı olan AYB dərhal ləğv olunmalıdır.

VasifG (Vasif Qarayev): Bəy, kitabın satışını qadağan etsələr, sevinəcəksiniz yoxsa üzüləcəksiniz?

AlekperAliyev: Üzülərəm. Mənə oxucuya qovuşmaq lazımdır.

SaxavetSoltanli: Dostlar tərəfindən mənə ünvanlanan sualı: Sizə ünvanlayıram söyüşlərin bir qismini "tərbiyəli" sözlərlə əvəzləmək olardı?

AlekperAliyev: Nə zaman məndə əminlik yaransa ki hakimiyyət  nümayəndələri əxlaqlıdır və ritorikaları mənim yazdığım kimi deyil, o zaman hə.

TapdigOvtansol: Sarı Gəlin olsaydız, Ələkbər kitabını yazardız?

AlekperAliyev: Yox. Şəbnəm Tapdığın dəcəllikləri haqqında yazmaq daha maraqlı olardı.

IlqarAbbas: Əli bəy, sizcə bizim cəmiyyətimizin düzəlməyinə ümid varmı?

AlekperAliyev: Əsas prosesdir, nəticə deyil.

pontipilat: Yazarın şəxsiyyətinin önəmi yoxdur, əsas olan onun yaradıclığıdır"

 fikrinə münasibətiniz.

AlekperAliyev: Çox axmaq fikirdir.

"Ən çox sevdiyim pornstar "Peter North"dur"

Serxanmehdi (Sərxan Abdullayev): “Sarı Gəlin”də niyə bu qədər qəddarsız, heç acımırsız oxuculara? :))

AlekperAliyev: Azərbaycan reallığı bu romandan da qəddardır.

NarminNoqte: Özünüzdə ilk hansı çərçivəni qırmısınız?

AlekperAliyev: İlk dəfə qrup sekslə məşğul olanda. Maraqlı təcrübü idi.

Paramilli (Ülvi Həsənli): Viskini daha çox sevirsiz, yoxsa vodkanı?

AlekperAliyev: Vodka

nemnum (Nərmin Həsənli):  Siyasi sığınacaq almaq əxlaqsızlıqdırmı?

AlekperAliyev: Əsla! Amma mənim ürəyimdə knopka var. Həmişəlik çıxıb gədənlər üçün darıxmıram. Onlar gedən kimi knopkanı basıram:-)

OrxanATA: Oxucularınızdan heç deyən olub ki, mənim də həyatım maraqlıdı, istəsəz yazın? :)

AlekperAliyev: Olub. Hətta bir neçəsi danışıb həyatlarını. Başa düşmüşəm ki, nəinki roman, heç bir cümlə də yazmaq olmaz.

KananAlizadeh: Kitab üzü oxucularınızda intim hisslər oyadacaq mı?

AlekperAliyev: Manyak oxucularda hətta orqazm da yaşana bilər.

Teymur_850 (Teymur İslamli): "Yazıçı hansısa mücərrəd arzu, istək naminə yox, varlanmaq xatirinə yazır" Heminqueyin bu fikri ilə razısınızmı?

AlekperAliyev: Müəyyən qədər razıyam. Həm varlanmaq, həm də şöhrət qazanmaq. Zatən biri o birini tamamlayır.

Paramilli: Ən çox sevdiyiniz 3 roman.

AlekperAliyev: Konkret cavabım yoxdur. Amma "День опричника" möhtəşəm romandır.

IlqarAbbas: Suallarıma cavab verdiyiniz üçün təşəkkür. Siz çağdaş ədəbiyyatımız ən yaxşı yazıçısız

AlekperAliyev: Bunu demək üçün hələ tezdir. Proses davam edir. Görək daha nələr və kimləri görəcəyik.

"Artuş və Zaur"a film çəkilməyini istəyərdim

NarminNoqte: Əsərlərinizdə bu nə cəsarət? həyatınız belə ucuzdur? Bu arada, cəsarətinizi də alqışlayıram! :)

AlekperAliyev: Cəsarətli olduğumu düşünürəm. Bu mənim təbiətimdir, xüsusi şey göstərib cəsarət nümayiş etdirmirəm.

OrxanATA: Ən sevdiyiniz film obrazı?

AlekperAliyev: "İt ürəyi" filmində “Doktor Preobrajensk”.

KananAlizadeh: Kitab satışı uğurlu gedir? :))

AlekperAliyev: Satışa hələ bu gün verilib. Amma təqdimatda 175 ədəd satıldı. Bu, rekorddur. Gənclərimizə minnətdaram.

RuslanAsad (Ruslan Əsəd): Yazınız da, özünüz də ictimailəşmisiniz. Yazına olan tənqidi reaksiya ilə, özünə olan tənqidi reaksiya nece fərqlənir?

AlekperAliyev: Tənqidləri edənin kimliyi mənim üçün çox önəmlidir. Dıydıq bir adamın sözləri dizimdən aşağı olur:-) Ləyaqət şərtdir!

Muntezir (Həbib Müntəzir): Bəy yazdığın romanlardan hansına film çəkilməyini istərdin? Bir də ən son izlədiyin maraqlı və məsləhət biləcəyin film?

AlekperAliyev: Artuş və Zaur :)

OrxanATA: Filmlərdə yazıçı obrazı izləməyi sevirsiz?

AlekperAliyev: Yox. O qədər də zövq almıram. Amma Virciniya Vulfun obrazı super yaradılıb.

Sakitoglu (Emil Bağırov): Mən hələ almamışam kitabı. Özümü günahkar hiss edirəm. Alıb üstümdə gəzdirəcəm, harda görüşsək bir imza atarsız :)

AlekperAliyev: Baş üstə, bey.

KananAlizadeh: Kitabın üzünü gizlədib evə aparanlara nə deyərdiz?

AlekperAliyev: Reallığı qəbul etdiyimə görə heç kəsi ittiham edə bilmərəm. Gizlətsələr də təki oxusunlar.

Ilkin_Alisoy: "Sarı Gəlin" romanı Avropada yaşayan dostlarımıza nə vaxt gəlib çatacaq? Bu məsələ çox aktualdır )))

AlekperAliyev: Bu işlə Ülvi Həsənli məşğul olur:-).

serxanmehdi: Cənnətdə günün xoş keçməsini vəd etsəydilər indi allaha inanardınız? :).

AlekperAliyev: Mən yalnız bu dünyada adam kimi yaşamaq istəyirəm. Nağıllara vaxt ayıra bilmərəm.

EzizKA (Əziz Kərimov): Azərbaycanda ilk yazarsız ki, "mən əclafam" kitabını yazmısız. Mənə maraqlıdır həyatda necə əclafsız?

AlekperAliyev: Anar Rzayev ele hesab edir. İndi özünüz baxın da.

"Seymur Baycan və Aygün Kazımova"

Sabinavagif (Sabina Vaqifqızı): Həyat həmşə belə olub?

AlekperAliyev: Mənim həyatım həmişə belə olub. Yəni çox maraqli :-)

M_fikrim (Mənim fikrim): Yazdığınız yazılara və əsərlərə görə həyat yoldaşınız sizi tənqid etmirki?

AlekperAliyev: Həyat yoldaşım mənə baş qoşmur. Öz həyatını yaşayır. Sadəcə oxuyur, bununla da hər şey bitir.

Paramilli: İstedadlı yazar, akyor və yaxud da musiqiçilərdən kimlər maraqlıdı sizinçün?

AlekperAliyev: Azərbaycanlı- Seymur Baycan və Aygün Kazımova

OrxanATA: Ən çox sevdiyiniz pornstar və aktrisa? )))

AlekperAliyev: Peter North. Aktrisa isə Qvinet Peltrou.